أنا مش مصدق أن فيه ثورة وحرية
ما راح جمال وجه جمال وإحنا فوعليه
لسه العرق على الجبين شاهد لتضحية
وقبل العرق فيه نزيف هدت سنين فيه
وبقيت خلاص بسمع ثورة وثورية
وإحنا اللي كتب التاريخ في سطوره ثورتنا
وكتب كثير تواريخ دا احنا اللى حررانا
قيود عدو جريج وربنا نصرنا
وبعد نصر صحيح توهنا في مشوارنا
سلمنا راية الكفاح من غير قيود وبدون شروط .
لحد طمعان في البداية ان القرار ف أديه بموت .
كل أحلامنا الجميلة
بلادنا تعلي ونعلي بيها
حلم شب أتربها فيها
حلم أم بتدعي ليها
حلم اب خاف على أولاده وعليها
حلم واحد شاخ ونفسه يحس بيها
حلم أبطالنا اللى عبروا بدمهم حضنين أيداها
حلم بلدي حلم عصري حلم بيبـي بيحبي ليها
بيناديها .
أية يا بلدي ؟ أمتي هبكر ؟ آمتي هقدر ؟
آمتي هرسم حلم ما الأحلام بخطي
آمتي هقدر إني أغير ؟
لية يابلدي ؟ اتخرصتي!!
هي الحقيقة بقت تزعل ؟
فاكرة يوم ما كان فيه مفتي
وكنا بنستفتا انه نصحي
فاكرة لما قولتي مرسي
هو دا اللي مقامه كرسي
وعم حسني على النصاية قاعد مستخبي
بيقول ياطورشي بتنجان يا محشي
ويلاة كشري واحلي مشوي
وبيهش دبانه باديه
ماهو خد خلاص على الشكوي من شعب اسمه اية !
كان اسمه ثوري والتاريخ قال فيه وفيه
شاله يا بدوي قوم بينا ندعي
لا عم حسني يرحم ويمشي
لا يسبنا نتكلم ونحكي
يمكن فى مرة كلامنا يتحول لثورة.
يارب خدني
ان كنت ظالم لما أكون طمعان في حقي
مسجون في ملكي
والظلم لية إداريه في قلبي كائنه عورة
يارب خدني
يمكن كلامنا فى مرة يتحول لثورة
والحمد لله الحلم ودعائي استجاب
وباقي اننا نكمل المسيرة
ليست هناك تعليقات:
إرسال تعليق