مرحلة فى تاريخ مصر
تايهـه فى دولاب الزمن وسط الحاجات والساعات
مش عارفة ترسم حلمها من صوت بياكل ودنها وقت السُكات
مش عارفة ان اللي راح بيسيب مكانه جراح والعمر عدا وفات
تايهـه
مش عارفة أيه حل لها , طب تعمل أيه دي في حملها
كتر الحمول على ضهرها
عجزها طمع الانكسار
مش عارفة تاخد حقها , ماشية فى طريق مش حلمها
ومغلوبة لية على امرها
وهي قادرة تكون فنار
بلدي .. بلدي
بلدي
بلدي اللى مذكور خيرها فى القراءن
بلدي اللى نيلها بيجرها فيها يسجد في كل أذان
بلدي اللي بيها اتحدا موسي قدرة الطغيان
بلدي اللى يوسف كان حاميها من لعبتك يا زمان
وديتها فين بلـدي
وحيرت لية امري
وامرها طب نعمل اية ؟
طب نعمل اية ؟
كتب التاريخ مليون هزيمة وانتصار
وشهد الزمن على شعبها وهو في أديه القرار
بلد المحن بلد العزيمة والأختيار
بلدي اللى تاهت وسط ايامها في مرار
فرعون واية فرعنك !
قال وانتو لية ساكتين ؟
خوفنا كلامنا يزعلك
وخوفنا طال لسنين
وبخوفك انت على الولاية وان العصاية تسيب ايدك
ملاتنا رهبة وخوف وجبن حتى نتكلم عليك
هو الكلام دا يزعلك ؟
لو كان حقيقة يبقي هتزيد القسية
طب ما انت عارف من سنين وانت بتقتل فى الضحية
ولو كان كلام حبت كلام وشايف انك في التمام
ياريت بقي تفض النظام وارجوك ما تكتبشي الوصية
افتكر الشعب اللى كفاح قسوتك صمت ومرار
افتكر الدهر اللى عشته تمص دمه ليل نهار
ارحم بلد حرر وطن حقق الاحلام لشعب
روحه طلعت من الفساد في المسؤلية
رد الجميل وأرحل بقا الشعب مل المسرحية
رد الجميل وارحل بقي شعبك ارادته وحدها بس اللى باقية .
ليست هناك تعليقات:
إرسال تعليق