أنا بـحــــلــــم
مع كل طلعة شمس بتأمل ملامح الكون
وبطير بنسمة من الهوا زى الطيور فى النور
وبحضن الحلم اللى صاحب خطوتي
وانا عينى على الشمس اللى غطتها الجفون .
وبحلم ...
بحلم والحقيقة حقيقة
مين قال الحلم خيال وظنون
طول ما الأحلام فى عيوني برئية
ولسة في ف العمر يوم .. هحلم .
مش يعني عشان افكاري جريئة
والناس بتقول دا أكيد مجنون
راح افكر يوم لو حتى دقيقة
انسا الحلم اللي حلمته فى يوم .. واندم .
لا هحلم
اصل مافيش للحلم سجون ولا حد بينهى ويأمر
لية ما احلمشي واعيش مسجون وافضل اقول احساس مؤلم
نص علوم الدنيا ظنون وتجارب واللى بيفهم
بيحقق حلمه وبعلمه بيساعد كل اللي بيحلم .
وانا بحلم ..
بتمنا وبسهر وبتعب وبجري وبدعي
وبحلم
صوت القلوب
حقوق الملكية الفكرية محفوظة
ليست هناك تعليقات:
إرسال تعليق