وسط أمواج الحياة
في وسط أمواج الحياة بكرة وبعده وكل يوم من عمرنا فيه بنفتكر
بنحيا ونموت وميت ألف صوت لقلوب كتير
حولينا عايشة ساكتة وصـابرة بنصيبها راضية مسلمة
فى وسط امواج الحياة
وكل ما موجة من الحياة تعلي في لحظة
فيه ناس بتقوة وناس بترضا وناس كتيرة بتنكسـر
فى وسط أمواج الحيـــاة
واحد بقلب عايش بنبض عايش بأحساسه البرئ
إنسان بحب الفطرة عاشق للحياة لسة في بداية الطريق
لسة ما قابلشي الإ كام موجة بصداها
لسة على شط الحياة وماشى فى خوطاها
لـسة فى بدية الطريـق
شايف بعينى ناس كتير جنبي ووراية لسة على شط الحياة
وشايف على طول المدا ومرما البصر ناس تانية أكتر فى النهاية
وصلت وعدت للنجاة
وماشى فى طريقى بشوف قصص حكايات بشر
وأكيد في يوم هكون أنا منهم حكاية
أكيد هعيش فى الدنيا دى علشان أصارع
أمواج كتير وسط الطريق دنيا المواجع
لكن ياعالم بكرة وبعده مخبي أية وهقدر أقوام
هقدر أعيش وأقوى على الأمواج وأصارع
هقدر أكمل سكتى من غير موانع
ولا فى يوم هغرق فى موجـة
ولا ياعالم هوصل وأشوف شط النجاة
وأعيش فى حلمي اللى حلمته أنا فى الحياة
هعيش حياتي زي ماتمنيت أعيشها
الله ياعالــم أنت اللي شاهد على اللي بيه وعلى اللى فيه
وأنت اللي عالم بكره أيه مخبي لية
وراضى بايامي اللي جية مهما كان مكتوب عليه
أنا بس طــامــع
طمعان يارب فى رحمتك وفي قدرتك وأنت اللى سامع
سامع ندا عبدك أنــا بشكي المواجـع
من وسط امواج الحياة
صوت القلوب
حقوق الملكية الفكرية محفوظة
ليست هناك تعليقات:
إرسال تعليق